huwag mo akong sandalan.
ako man ay may pasan.
dahil aking bitbit,
ang lungkot mong magturan.
huwag kang magtiwala,
sa delentera at patsada.
kapanglawan kong kinikimkim,
inililingid ng ngiting namamasdan.
huwag sana dalangin,
ang lamig na lulusawin,
ng init na nasimot,
mga dalita ang hilahil.
huwag mo akong aliwin,
ng talumpating ipapangako.
mga pagtangis na saksi,
bigong panatang puta-putaki.
lumubay, tumahan, wakasan,
sawatain, lubayan, bawalan
pigilan, harangan
itigil na natin itong kahibangan.
Advertisement
Like this:
One blogger likes this post.
2 Comments
gusto kong mamangha sayo pero magmumukhang naintindihan ko ang tula mo. Hindi ko maintindihan ang mga malalalim na salita pero namamangha ako na alam mo sila. mahusay. mahusay. parang kanta.
dear wootan, pag nasasapian lang ako nakakapagsulat e.. at pag may sayad na matindi. at tungkol lang sa pag iinarte yan. yun lang yun. may gusto lang akong itaboy? tao? bagay? hayup? pangyayari? … lol PWEDE!