DAMned if you do, DAMned if you don’t

Minsang lang ako magtrip, so pag bigyan nyo na:

Uunahin ko ng humingi ng tawad sa mga taong hindi maganda ang reaksyon dahil sa short hair ko. May mga ilan jan na kulang na lang e lumabas sa monitor ko para lang manabunot (as if hahaba eh noh).

Nang magising nga ako at naiwan ko ang YM ko na bukas, ay shet, inulan ako ng batikos. Now i know what britney felt nung magpa skinhead sya.

Eto ang mga napagtanto ko sa kahibangang ito:

- Karamihan sa mga binatang lalaki na natanong ko kung bagay ba e hindi sumangayon. Mas gusto daw nila ang long hair. (I wonder why? hmmmmm)

- Karamihan sa mga babaeng dalaga na long hair din e ayus lang sa kanila na nagpagupit ako (ginawa pa ata akong guinea pig)

- Karamihan sa mga babaeng hindi long hair ang nag welcome sa akin!

- Lahat ng lalaking tinanong kong may asawa na e walang say masyado. Ayus lang daw kahit long o short. Kung saan daw ako masaya

- Lahat sila halos nag tanong ng “anong problema?” o “bakit?” (basta, same idea)

<<

Totoong beauty is in the eye of the beholder (wag ka ng pumalag), dahil ibat-ibang side comments:

- nag mukha kang bata
- nag mukha kang matanda
- mukha kang nanay
- pb ikaw yan? (eto di ko alam kugn compliment lol!)

(there is something wrong with blogspot na naman!.. nawala yung mga nakasulat dito sa baba!)

anyhow kalabaw, uulitin ko na lang..

so i therefore conclude:

mas okay talaga ang mahaba que sa ma style na maigsi.. tama? TAMA!

edit: dahil tae ang blogspot (malapit na talaga akong lumipat ng wordpress pfft) nawala ang nilagay ko nung una na wig lang ito.. hindi akin tong buhok, malay ko kung anong hayop pinag hugutan neto. pero yung wig e kay ermats… ayan gas.dude, malinaw na ha! wig yan wig!

Narinig ko lang sa radyo to. i was driving home and ito ang topic ng balahurang DJ na yun. (di ko talaga trip yung dj na yun, ewan ko ba bakit ako nakikinig sa show nya… actually to stay awake.. magaling panggising sa inaantok ang init ng ulo)

okay balik tayo…

Sabi ni Clara Meadmore na taga Inglatera, wala daw syang oras para sa sex. At sinumpa na nya sa sarili nya mula nung 12 years old pa lang sya na hindi sya mag aasawa. At ito daw ang sikreto nya para sa mahabang buhay (damn! but who wants to live forever? *pasok freddie mercury)

At habang nag hihilom ang buwanang “sugat” ni Clara, e di na nya ninais pang makipag siping sa kahit kanino.

It’s a choice I guess. Di naman daw sya tibo, at walang kinalaman ang relihiyon sa desisyon nyang ito. nagkaroon naman daw sya ng mga platonc relationship with guys (shet si lola, pumaplatonic nun!) ayaw lang daw talaga nyang paratingin sa next level (apir lola! aminin mo na pareho lang tayong takot sa relasyon.. joke lang, wag mo akong dadalawin ha?!). Para sa kanya masyadong hassle lang daw ang kasal at relasyon (apir lola, magkakasundo tayo jan)

Di rin naman sya panget. Maiintindihan ko pa kung ang itsura nya e kahawig ng inspiration ng kantang Silvertoes ng Parokya ni Edgar. E kaso, hindi e.

Sa totoo lang nakakainggit sya. Wala syang ideya ng salitang tigang. Di nya alam e!

Sa Pinas kaya, sino ang pinakamatandang birhen at ilang taon ito?

Pero ang tanong ko. Paano kaya nila napatunayan na virgin pa si lola? May nagpangahas na humawi ng mga agiw? May sumubok at sumigaw ng “shet oo nga may dugo pa!”… AY! taga england nga pala sya o ganito malamang ang sigaw “Bloody Hell!” (biro lang talaga pramis!)

Eto link ni Clara. Cute ng smile nya, parang di nya alam kung tama ba desisyon nya na birhen pa sya… joke lang ulit lola! wag mo akong bibisitahin kapag “naabot mo na ang langit”.

shet! how i wish i can say it out loud..

natotorpe ako sa iyo. hanggang ngayon di ko alam apelyido mo. ni hindi kita mahagilap sa friendster. di ko alam kung “in a relationship” ka o “it’s complicated” status mo.

nickname mo lang alam ko. at alam ko lang e magaling ka mag piano. natutuwa ako sa mga trip mo. lalo na sa ngiti mo.

ganito pala pakiramdam ng may krass. para akong high school student muli. mas may rason para pumasok at ako lang ata ang taong masaya pag sasapit na ang lunes.

may girlfriend ka ba? asawa? kabit? kerida? ahahaha…

san ka nakatira? sana sa susunod na elevator ride ko, usap ulit tayo.

teka, pansin ko lang. bakit pag nasa ibang lugar tayo, dun mo lang ako kinikibo? ayus lang, que sa hindi at all.

at parang di na ako nag sawa sa ganitong sitwasyon sa araw araw na lang na ginawa ng Ginoo.

ahahahahaha.. see you tomorrow krass..

Isang tagpo ng mapag-usapan namin ng isang kaibigan ang nalalapit na pagpapakasal ng ama ng anak ko:

“E kasi naman damdam, ang engot mo! naka higa ka na sa malambot na kama, umalis ka pa

At sumagot ang damdam,

“Aanhin ko ang malambot na kama kung di na ako kumportable at masaya? Umalis na rin ako, nagising na rin ako nun e. Na-etsapwera na rin ako sa kama, may iba na kasing gustong itabi.”

EDITED:
Na-tag pala ako ni mareng Lyzius! ahahaha.. sakto sa post ko. dahil tungkol sa mga junakis ang paksa ng tag nya:

list all of your kids’ names, or even just one. write down the story or the reason why you chose it. if you’re expecting or planning to have more kids and already have a name for them… list them down too…

Isa (pa) lang ang anak ko. Pinangalanan ko(take note “ko”) syang SANTINO ANTONIO. Bakit? dahil ganyan ako ka adik sa palabas na The Godfather. Si Santino ang first born ni Don vito Corleone, at dahil duh! unang anak ko si Santi, kung kaya iyan ang ipinangalan ko sa kanya.

Yung Antonio ay hango sa dalawang rason. Una, dahil ito sa ang pangalan ng ama ni Don Vito ay Antonio Andolini(oo na adik na ako sa the godfather, kulit mo!) Pangalawang dahilan ay dahil sa may kaibigan kami (meaning ng ama ng anak ko) na isang wow shet halimaw ang utak, nag uumapaw na kahenyohan! E nag babakasakaling madaus-dusan ang anak ko ng biyaya sa karunungan at kamalayan dahil sa magka-pangalan sila(labo).

Sa totoo lang wala akong balak mag anak …… sa ngayon. Basta negotiable pa. Depende kung sino ama.

At sa mga nakalipas na pangyayari e parang ayaw ko na nga talagang mag anak pang muli. Ang hirap pumagitna sa dalawang taong may magkaiba at mag kasalungat na prinsipyo. E paano pa kung anak ko yun? E aka sa sakit ng bangs ko e pag untugin ko yung dalawa! Mabantay bata pa ako!

Pero, kung sakali na magkakaanak ako ang ipapangalan ko ay….. SECRET! baka may gumaya!

O sya, ayaw ko ng magpaliwanag pa. Mag tatag na rin ako.

I tag:

Goddess
Lethalverses
Efbee

*sa pagkakaalam ko, parehong binatna este binata si LV at FB. Gusto ko lang malaman kung pano nyo sasagutin. Eehehehe….

—————————–

Isa sa gifts ng aking mahal na mahal na junakis e ang mangabisote. Kapag binasahan mo sya ng libro ng dalawang beses e mamememorize na nya yun agad. At kaya na nyang mag inarte na akala mo e binabasa nya yung libro(di naman marunong).

isang tagpo sa bahay nila damdam:

Linggo. Habang nasa hammock sila LV at CI at si AYZ naman ay nasa upuan, “binasahan” ni Santi ng libro ang tatlo. Shempre and mudra ni Santi, proud as ever at natatawa kasi ang galing e(sensya na.. love your own ako!).

Dahil sa angking kapilyuhan ni LV eto nangyari:

LV: Santi, basahin mo nga ang nasa likod(tinuro ang likod ng libro)
(tinignan ni Santi maigi ang likod ng libro habang naka kunot noo, sabay sagot ng…)

Santi: BAKIT?

nyahahahahha… ayun tawa kami ever. At nasabi na lang nila na “Anak mo nga!”

—————————–

Kanina, habang nag bobonding session kami nila mother-superiora at ni pembong sa lungga nya, naikwento ni mama ang isang tagpo sa kwarto nila.

Santi: Mama(he calls my mom Mama, and calls me Mommy), dapat magpagaling ka na. Inumin mo yung mga gamot mo lagi. Para gumaling na yang dede mo at mag ka buhok ka na ulit.
(may breast cancer si mama, para sa mga hindi nakakaalam…. She is fine by the way. isang chemo session na lang at one month radiation! yehey tapos na treatment nya! i love you mama! mwah!)

Mama: Ok

Santi: at tsaka, wag ka na rin mamalo ha, para gumaling ka na.

Mama: Ha? Bakit?

Santi: Sabi ng doktor masama daw yun. Kaya wag ka ng mamalo. (sabay alis… lol)

—————————–

Isang araw, nang maisipan naming bisitahin ang kanya mabuting ama(walang halong sarcasm yan, pramis) sa kanilang bahay, saktong nandun ang mga friendships namin.

Kami ay nakatambay sa sofa, e pinapila namin ang boys. At tinanong si santi….

Ama nya: Santi, sino ang gwapo jan?
Santi: (tinignan sila. mga 10 seconds siguro, sabay sagot) AKO LANG!

tumbling ever ang mga mokong.

—————————–

Noong nandito pa si Papa(as in dad ko ha, hindi papa na jowa) sa Pnas, napansin nila habang kumakain ng agahan ang aking patuloy na pag lusog… Fine! oo na ang taba ko na! So, my dad said na i should get some excersise and mas ok na mag gym na ako.

At dahil may PMS ata ako nun, so tampo ako ever. I went to Santi’s room(room ng parents ko) and saw him watching cartoons (ang anak ko pag nanonood ng cartoons e parang ako rin, naaliw pero hindi tumatawa). So, nilapitan ko sya.

Damdam: Anak, mataba na ba si Mommy?
Santi: (tinignan ako, sabay balik ng atensyon sa tv)
Damdam: Santi, sexy pa ba si Mommy?
Santi: (tinignan ako ulit. This time mula ulo hanggang paa, tapos nag irap, at sabi) MOMMY, MAHAL KITA. (tapos balik nood tv)

pffttt… anak nga kita…

—————————–

i love you ti! mwah! promise sa christmas, may train ka… sasakay tayo PNR tapos iiwan kita dun pag makulit ka.. lol biro lang..

i love you! mwah! ikaw lang ang lalaking hinding hindi ko pag sasawaang mahalin.